ဦးခါင်းတစ်ခြမ်း ကိုက်တတ်သူများအတွက် တန်ဖိုးကြီးတဲ့ ဒီပို့လေးကို ရှဲပြီးသိမ်းထားစေချင်ပါတယ်

Posted on

” ခေါင်းတခြမ်းကိုက် ရောဂါ (Migraine) ”

ခေါင်းတခြမ်းကိုက်ရောဂါ သည် ခေါင်းကိုက်ခြင်း မကြာခဏဖြစ်စေပြီး တစ်ခါတစ်ရံ ဖျားနာ အော့အန်ခြင်းနှင့် တွဲတတ်သည်။ ကုသမှုနည်းလမ်းများတွင်

ခေါင်းကိုက်ခြင်းကို အစပြုစေသော အခြေအနေများကို ရှောင်ရှားခြင်း၊ အကိုက်အခဲပျောက်ဆေးများ ၊ အခြား အာရုံကြော ဆေးဝါး များ ပါဝင်သည်။

 


 

မကြာခဏ ခေါင်းကိုက်လျှင် ကြိုတင်ကာကွယ် ဆေးများ သောက်သုံးခြင်းသည်လည်း နည်းလမ်းတစ်ခုဖြစ်သည်။

ခေါင်းတခြမ်းကိုက်ရောဂါ ဆိုတာ ဘာလဲ?

ခေါင်းတခြမ်းကိုက်ရောဂါ ဆိုသည်မှာ ခေါင်းကိုက်ခြင်း မကြာခဏ ဖြစ်ပွားသော ရောဂါဖြစ်သည်။ အခြားလက္ခဏာများဖြစ်သော နေမကောင်းဖြစ်ခြင်း၊

အော့အန်ခြင်းလည်း အဖြစ်များသည်။ ကြားအချိန်များတွင်မူ ခေါင်းကိုက်လက္ခဏာများ လုံးဝ ကင်းစင်နေသည်။

ဘယ်သူတွေ ခေါင်းတခြမ်းကိုက်ရောဂါ ဖြစ်သလဲ?

ခေါင်းတခြမ်းကိုက်ရောဂါသည် အဖြစ်များသော ရောဂါဖြစ်သည်။ အမျိုးသမီး ၄ ယောက်တွင် တစ်ယောက်ခန့်၊ အမျိုးသား နှစ်ယောက်တွင် တစ်ယောက်ခန့် တစ်ချိန်ချိန်တွင် ဖြစ်ပွားနိုင်သည်။

အများအားဖြင့် ကလေးဘဝ (သို့) လူငယ်ဘ၀ အရွယ်မှ စတင်၍ ခေါင်းကိုက်ရောဂါ အစပြုသည်။ အချို့လူများတွင် ခေါင်းကိုက်ခြင်းသည်

မကြာခဏ ဖြစ်ပွားလေ့ရှိပြီး တစ်ပတ်လျှင် အကြိမ်များစွာ ဖြစ်ပွားပြီး အချို့တွင်မူ တစ်ခါတစ်ရံမှသာ ဖြစ်ပွားသည်။

ခေါင်းတစ်ခြမ်းကိုက်တတ်သူများ အတွက် ဒီပို့လေးက တန်ဖိုးကြီးလို့ ယူသွားစေချင်ပါတယ် 2

အချို့လူများတွင် နှစ်အတော်ကြာကြာ ခေါင်းမကိုက်ဘဲ နေတတ်သည်။ အချို့တွင်မူ ခေါင်းကိုက်ခြင်းသည် သက်လတ်ပိုင်းအရွယ်ရောက်သောအခါ

ပျောက်ကင်းသွားသည်။ သို့သော် အချို့လူများတွင်မူ ခေါင်းကိုက်ခြင်းသည် ဘ၀တစ်လျှောက်လုံး ဆက်ဖြစ်နေပေလိမ့်မည်။

ခေါင်းတခြမ်းကိုက်ခြင်း အမျိုးအစား နှင့် ရောဂါလက္ခဏာတွေက ဘာတွေလဲ?

ခေါင်းတခြမ်းကိုက်ရောဂါသည် အဓိကအားဖြင့် နှစ်မျိုး နှစ်စား ရှိသည်။

– ရှေ့ပြေးလက္ခဏာ မရှိသော ခေါင်းတစ်ခြမ်းကိုက်ခြင်း – အဖြစ်များသော ခေါင်းတခြမ်း ကိုက်ခြင်း (Common Migraine)

– ရှေ့ပြေးလက္ခဏာ ရှိသော ခေါင်းတခြမ်းကိုက်ခြင်း

– စံပြု ခေါင်းတခြမ်း ကိုက်ခြင်း (Classic Migraine)

ရှေ့ပြေးလက္ခဏာ မရှိသော ခေါင်းတခြမ်းကိုက်ခြင်း အဖြစ်အများဆုံးသော ခေါင်းတခြမ်းကိုက်ရောဂါ ဖြစ်သည်။ ရောဂါလက္ခဏာများမှာ အောက်ပါအတိုင်းဖြစ်သည်။

-ခေါင်းကိုက်ခြင်း

ပုံမှန်အားဖြင့် ခေါင်းတခြမ်းတွင်သာ ဖြစ်ပွားလေ့ရှိပြီး အရှေ့ဘက် (သို့) ဘေးဘက်တွင် အဖြစ်များသည်။ တစ်ခါတစ်ရံ ဦးခေါင်းနှစ်ခြမ်းစလုံးတွင် ဖြစ်ပွားသည်။

တစ်ခါတစ်ရံ တခြမ်းတွင် အစပြုပြီးနောက် တစ်ခေါင်းလုံးဆီသို့ ပျံ့နှံ့လာသည်။

ခေါင်းကိုက်နာ သည် ပြင်းထန်လေ့ရှိပြီး ထိုးထိုးပြီး နာသည် ဟု ပြောလေ့ရှိသည်။ ဦးခေါင်းကို လှုပ်ရှားလျှင် ပို၍ ဆိုးသည်။ မနက်ပိုင်းတွင် စလေ့ရှိသော်လည်း

မည်သည့်အချိန်မဆို ဖြစ်နိုင်သည်။ ပုံမှန်အားဖြင့် တဖြည်းဖြည်း ပိုဆိုးလာကာ ၂ နှစ်ရီ မှ ၁၂ နာရီအကြာတွင် အဆိုးဆုံးဖြစ်ကာ တဖြည်းဖြည်း သက်သာပျောက်ကင်းလာသည်။

သို့သော် အချို့လူများတွင် ၄ နာရီ မှ ၇၂ နာရီထိကြာအောင် ရှိနေတတ်သည်။

– အခြား အတွေ့ရများသော ရောဂါလက္ခဏာများမှာ –

နေထိုင်မကောင်ခြင်း

အော့အန်ခြင်း

အလင်းရောင်စူးစူး နှင့် အသံကျယ်များကို မနှစ်သက်ခြင်း – ထို့ကြောင့် အမှောင်ခန်းထဲတွင် လဲလျောင်းနေခြင်းကို နှစ်သက်သည်။

– အခြား ဖြစ်တတ်သော ရောဂါ လက္ခဏာများမှာ –

အစားမစားခြင်း

အမြင်ေ၀၀ါးခြင်း

အာရုံ စိုက်ရန် ခက်ခဲခြင်း

နှာပ်ိတ်ခြင်း

ဗိုက်ဆာခြင်း

ဝမ်းပျက်ခြင်း

ဗိုက်အောင့်ခြင်း

ဆီးရွှင်ခြင်း

ဖြူဖျော့ခြင်း

ချွေးထွက်ခြင်း

ဦးရည်ပြားခွံ နာခြင်း

ပူခြင်း၊ အေးခြင်း တို့ ဖြစ်သည်။

ရှေ့ပြေးလက္ခဏာ ရှိသော ခေါင်းတခြမ်း ကိုက်ခြင်း

ခေါင်းတခြမ်းကိုက်ရောဂါဖြစ်သော လူလေးယောက်တွင် တစ်ယောက်သည် ရှေ့ပြေးလက္ခဏာ ရှိသော ခေါင်းတခြမ်းကိုက်ရောဂါ ဖြစ်ပွားသည်။

ရောဂါလက္ခဏာများမှာ အထက်တွင် ဖော်ပြခဲ့သည့်အတိုင်းပင်ဖြစ်သော်လည်း ဤအမျိုးအစားတွင်မူ ခေါင်းမကိုက်ခင် ရှေ့ပြေးလက္ခဏာများ ရှိသည်။

– အမြင် ရှေ့ပြေးလက္ခဏာများ သည် အဖြစ်အများဆုံးဖြစ်သည်။ ဥပမာများမှာ အမြင်အာရုံ တစ်စိတ်တစ်ပိုင်း ခဏပျောက်သွားခြင်း၊ အလင်းစူးများ ခဏပေါ်ခြင်း၊ အရာဝတ္တုများ လည်နေသည် ဟု မြင်ခြင်း။

– ထုံခြင်း၊ အပ်စူးသကဲ့သို့ ခံစားရခြင်းများသည် ဒုတိယ အဖြစ်အများဆုံးဖြစ်သည်။ ထုံကျဉ်ခြင်းသည် လက်ဖ၀ါးတွင် စလေ့ရှိပြီ

း လက်မောင်းအတိုင်း တက်လာကာ မျက်နှာ၊ နှုတ်ခမ်း၊ လျှာ တို့ပါလာလေ့ရှိသည်။ တစ်ခါတစ်ရံ ခြေထောက်တွင်လည်း ဖြစ်တတ်သည်။

– စကားပြော အဆင်မပြေဖြစ်ခြင်းသည် တတိယ အဖြစ်များဆုံး ဖြစ်သည်။

– အခြား ဖြစ်နိုင်သော ရှေ့ပြေးလက္ခဏာများမှာ အနံထူးထူးတစ်ခုရခြင်း၊ အစားကို တပ်မက်လာခြင်း၊ နေအလွန်ကောင်းသည့်ခံစားမှု ရခြင်းတို့ ဖြစ်သည်။

အထက်တွင် ဖော်ပြခဲ့သော ရှေ့ပြေးလက္ခဏာများသည် တစ်ခုတည်း ဖြစ်နိုင်သလို တစ်ခုပြီးတစ်ခု အများကြီး ဖြစ်နိုင်သည်။

ရှေ့ပြေလက္ခဏာတစ်ခုသည် မပျောက်ကွယ်ခင် ပုံမှန်အားဖြင့် မိနစ်အနည်းငယ်သာ ကြာတတ်သော်လည်း အချို့မှာ မိနစ် ၆၀ အထိ ကြာနိုင်သည်။

ရှေ့ပြေးလက္ခဏာများသည် ခေါင်းမကိုက်ခင် စဖြစ်ပြီး ခေါင်းကိုက်ခြင်းသည် မိနစ် ၆၀ အတွင်း ဖြစ်လေ့ရှိသည်။ တစ်ခါတစ်ရံ ရှေ့ပြေးလက္ခဏာများသာ

ပေါ်လာပြီး ခေါင်းကိုက်ခြင်း မရှိချေ။ ရှေ့ပြေးလက္ခဏာရှိသော ခေါင်းကိုက်သောသူ အများစုမှာ ရှေ့ပြေးလက္ခဏာ မရှိဘဲ ခေါင်းကိုက်ခြင်း ဖြစ်နိုင်သည်။

ပုံစံကျ ခေါင်းတခြမ်းကိုက်ခြင်း၏ အဆင့်များ —–

ခေါင်းတစ်ခြမ်းကိုက်ခြင်းကို အဆင့်လေးဆင့် ခွဲခြားနိုင်သည်။

– ရှေ့ပြေး အဆင့်သည် ခေါင်းတစ်ခြမ်းကိုက်ရောဂါ ရှိသော လူ တစ်ဝက်ခန့်တွင် ဖြစ်ပွားသည်။ ထိုသူသည် စိတ်တိုလွယ်ခြင်း၊ စိတ်ဓါတ်ကျခြင်

း၊ ပင်ပန်းခြင်း စသည်တို့ကို ခေါင်းမကိုက်ခင် သိရှိခံစားရပေမည်။ ခေါင်းမကိုက်ခင် နာရီပေါင်း၊ ရက်ပေါင်း အတော်ကြာကြာကပင် အဆိုပါခံစားမှု ရှိနိုင်သည်။

– ရှေ့ပြေးလက္ခဏာများ ပြသောအဆင့် (အကယ်၍ ရှိခဲ့လျှင်)

– ခေါင်းကိုက်သော အဆင့်

– သက်သာသော အဆင့် – ခေါင်းကိုက်ခြင်းသည် တဖြည်းဖြည်းချင်း ပျောက်ကွယ်သွားသည်။ ထိုအချိန်တွင် ပင်ပန်းခြင်း ၊ စိတ်မရှည်ခြင်း၊ စ်ိတ်ဓါတ်ကျခြင်း နှင့် အာရုံ စူးစိုက်ရန်ခက်ခြင်းတို့ ခံစားရနိုင်သည်။

အဖြစ်နည်းသော ခေါင်းတခြမ်းကိုက်ရောဂါ အမျိုးအစားများ

အဖြစ်နည်းသော ခေါင်းတခြမ်းကိုက်ရောဂါများလည်းရှိပြီး အချို့ဆိုလျှင် အလွန်ပင် ရှားပါးသည်။ ၎င်းတို့မှာ

-ဓမ္မတာလာစဉ် ခေါင်းတခြမ်းကိုက်ခြင်း —–

ရောဂါလက္ခဏာများမှာ အတူတူ ပင်ဖြစ်သည်။ သို့သော် ခေါင်းကိုက်ခြင်းသည် ဓမ္မတာလာခြင်းနှင့် ဆက်စပ်မှု ရှိသည်။ ဖြစ်နိုင်သော ပုံစံနှစ်မျိုးရှိသည်။

ဓမ္မတာ ခေါင်းကိုက်ခြင်း စစ်စစ်သည် ဓမ္မတာ လာချိန် ပတ်လည်တွင် ဖြစ်ပွားပြီး အခြားအချိန်များတွင် ဖြစ်ပွားလေ့မရှိချေ။ ခေါင်းကိုက်ရောဂါရှိသော

အမျိုးသမီး ၇ ယောက်တွင် တစ်ယောက်ဖြစ်လေ့ရှိသည်။ ဓမ္မတာ ဆက်စပ်ခေါင်းကိုက်ခြင်းတွင်မူ ခေါင်းကိုက်ခြင်းသည် ဓမ္မတာလာချိန် ပတ်လည်တွင်

ဖြစ်ပွားရုံမျှမက အခြားအချိန်များတွင်လည်း ဖြစ်ပွားသည်။ ခေါင်းကိုက်ရောဂါရှိသော အမျိုးသမီး ၁၀ ယောက်တွင် ၆ ယောက်ခန့် ဤကဲ့သို့ ဖြစ်လေ့ရှိသည်။

သို့သော် ကုသမှုမှာ အခြားခေါင်းကိုက်မှု ပုံစံများအတိုင်းပင်ဖြစ်သည်။ သို့သော် ဓမ္မတာ ခေါင်းကိုက်ခြင်း ဖြစ်ပွားမှုကို ကာကွယ်ရန် ကုသမှုများလည်း ရှိသည်။

-ဗိုက်အောင့်ခြင်းနှင့် ဆက်စပ်သော ခေါင်းကိုက်ခြင်း

ကလေးများတွင် အဓိက ဖြစ်ပွားသည်။ ခေါင်းကိုက်ခြင်းအစား ကလေးများသည် ဗိုက်အောင့်ခြင်းကို နာရီအတော်ကြာကြာ ခံစားရသည်။

ပုံစံအတိုင်း ဖြစ်ပွားစဉ်အတွင်း ခေါင်းကိုက်မှု မရှိခြင်း (သို့) ခေါင်း အနည်းငယ် ကိုက်ခြင်း သာ ဖြစ်ပွားသည်။ အော့အန်နေမကောင်းဖြစ်ခြင်း

နှင့် ရှေ့ပြေး ရောဂါ လက္ခဏာများလည်း ရှိနိုင်သည်။ ထိုခေါင်းကိုက်ရောဂါခံစားရသော ကလေးများသည် အများအားဖြင့် ဆယ်ကျော်သက် အရွယ် ယေဘုယျ ခေါင်းတခြမ်း ကိုက်ခြင်း သို့ ပြောင်းလဲသွားသည်။

-မျက်စိနှင့်ဆက်စပ်သော ခေါင်းတခြမ်းကိုက်ခြင်း

ဤခေါင်းကိုက်ခြင်းတွင် မျက်လုံးတစ်ဖက်တွင် အမြင်အာရုံ တစ်ချို့ တစ်ဝက်သော်လည်းကောင်း၊ အားလုံးသော်လည်းကောင်း ခေတ္တပျောက်ခြင်းမျိုး ဖြစ်နိုင်သည်။

ခေါင်းကိုက်ခြင်း ရှိချင်လည်း ရှိနိုင်သည်။ ပုံမှန်အားဖြင့် မျက်လုံးတစ်ဖက်တည်းတွင် အမြဲဖြစ်သည်။ မျက်စိတွင် ပုံမမှန်သော အရာ ဘာမှမရှိဘဲ အမြင်အာရုံသည် ပုံမှန်အတိုင်း ပြန်ဖြစ်သည်။

မှတ်ချက် ။ ။ လူတစ်ယောက်သည် ပထမဆုံးအကြိမ် ရုတ်ချည်း အမြင်တစ်ဘက်ဆုံးရှုံးခဲ့လျှင် ဆရာဝန်နှင့် ချက်ချင်း ပြသင့်သည်။

ကိုယ်တစ်ခြမ်းသေ ခေါင်းကိုက်ခြင်း —-

ရှားပါးသော အမျိုးအစားဖြစ်သည်။ ခေါင်းကိုက်ခြင်းသည် ပြင်းထန်ရုံမျှမက ကိုယ်တခြမ်း အားနည်းလေဖြန်းသော လက္ခဏာများလည်းပေါ်လာသည်။

မပျောက်ခင် နာရီပေါင်း ၊ရက်ပေါင်း ကြာတတ်သည်။ ထို့ကြောင့် တစ်ခါတစ်ရံ လေဖြတ်ခြင်းနှင့် မှားတတ်သည်။ ခဏတာ ခံစားရနိုင်သော အခြားရောဂါလက္ခဏာများမှာ –

– အလွန်အမင်း ခေါင်းမူးခြင်း

– အမြင် နှစ်ထပ်ဖြစ်ခြင်း

– အမြင်အာရုံ ပြဿနာများ ရှိခြင်း

– နားထဲတွင် အသံများကြားခြင်း

– မျက်စိသူငယ်အိမ်များ လှုပ်ရှားခြင်း

– အကြားအာရုံ ပြဿနာရှိခြင်း

– စကားပြော လုံးထွေးခြင်း တို့ ဖြစ်သည်။

မှတ်ချက် ။ ။ ပထမဆုံးအကြိမ် ကိုယ်တစ်ပိုင်းလေဖြန်းခြင်းဖြစ်ပါက ဆရာဝန်နှင့် ချက်ချင်း ပြသသင့်သည်။

ဘေဆယ်လာ (Basilar Type Migraine) ခေါင်းကိုက်ခြင်းရှားပါသော အမျိုးအစားဖြစ်သည်။ ဘေဆယ်လာ သွေးကြောသည် ခေါင်း အနောက်တွင် ရှိသည်။

ဤခေါင်းကိုက်ခြင်း အမျိုးအစားသည် ထိုသွေးကြောတွင် ပြဿနာရှိသောကြောင့် ဟု ယူဆခဲ့ကြသည်။

သို့သော် ယခုအခါတွင်မူ ထိုသို့မဟုတ်ဘဲ ဖြစ်ပွားရသော အကြောင်းရင်းကို မသိရပေ။

လက္ခဏာများတွင် ပုံစံအားဖြင့် ခေါင်းတခြမ်းကိုက်ခြင်းမျိုး မဟုတ်ဘဲ ခေါင်းအနောက်ပိုင်းတွင် ကိုက်ခြင်း ဖြစ်သည်။ ထူးခြားသော ရှေ့ပြေးလက္ခဏာများဖြစ်သော

ခေတ္တ မျက်စိကွယ်ခြင်း

အမြင်နှစ်ထပ်ဖြစ်ခြင်း

ခေါင်းမူးခြင်း

နားထဲတွင် အသံမြည်နေခြင်း

မျက်လုံးအိမ် လှုပ်ရှားခြင်း

အကြားအာရုံ ပြဿနာ ရှိခြင်း

စကားပြော လုံးထွေးခြင်းတို့ ရှိတတ်သည်။

သို့သော် ကိုယ်တခြမ်းသေ ခေါင်းကိုက်ခြင်းကဲ့သို့ ကိုယ်လက် လေဖြန်းခြင်း မရှိပေ။ ဤခေါင်းကိုက်ခြင်းကို ခံစားရသူသည် လေဖြတ်နိုင်ချေ ပိုများသည်။

ခေါင်းတခြမ်းကိုက်ခြင်းကို ဘယ်လို ရောဂါအမည်တပ်မလဲ? ဘယ်လို စမ်းသပ်စစ်ဆေးမှုတွေ လုပ်ရမလဲ?

ခေါင်းတခြမ်း ကိုက်ခြင်းကို ပုံမှန်အားဖြင့် ဖြစ်နေကျ ရောဂါလက္ခဏာများဖြင့် ရောဂါ အမည် တပ်လေ့ရှိသည်။

သေချာစေသော စစ်ဆေးမှု မရှိသေးချေ။

စမ်းသပ်စစ်ဆေးမှုအရ မည်သည့် ပုံမမှန်မှုမျှ မရှိလျှင် ၊ ရောဂါလက္ခဏာာများက ခေါင်းတခြမ်းကိုက်သည့် ပုံစံကျ လက္ခဏာများဖြစ်လျှင်

ဆရာဝန်က ခေါင်းတခြမ်းကိုက် ရောဂါအဖြစ် သတ်မှတ်သည်။ သို့သော် အချို့လူများတွင် ပုံစံကျ မဟုတ်သော ခေါင်းကိုက်ခြင်းမျိုး ရှိနိုင်သည်။

ထို့ကြောင့် တစ်ခါတစ်ရံ ခေါင်းကိုက်ခြင်း ဖြစ်စေသော အခြားအကြောင်းရင်းများကို ရှာဖွေဖယ်ထုတ်ရန် စမ်းသပ်မှုများလိုအပ်သည်။

ထို့ပြင် အခြားရှားပါးသော ခေါင်းတခြမ်းကိုက်ရောဂါများ (ဥပမာ မျက်လုံးနှင့်ဆက်စပ် ခေါင်းတခြမ်းကိုက်ခြင်း) တို့တွင် အဆိုပါလက္ခဏာဖြစ်စေသော အခြားအကြောင်းများကို ရှာဖွေရန် စမ်းသပ်စစ်ဆေးမှုများလိုအပ်သည်။

သတိပြုရမည်မှာ ခေါင်းတခြမ်းကိုက်ရောဂါသည် ကြားအချိန်များတွင် မည်သည့် ရောဂါလက္ခဏာမျှ မရှိချေ။ တစ်ခါတစ်ခါ ခေါင်းကိုက်ခြင်းသည်

ခေါင်းတခြမ်းကိုက် ရောဂါ၏ ပုံစံပင် ဖြစ်သည်။ မပျောက်ကင်းသော ခေါင်းကိုက်ခြင်း နှင့် အခြား ရောဂါလက္ခဏာများ မပျောက်ခြင်းသည် ခေါင်းတခြမ်းကိုက်ရောဂါ၏ ပုံစံ မဟုတ်ပေ။

စိတ်ဖိစီးမှုကြောင့် ခေါင်းကိုက်ခြင်း (Tension Headache) ကို တစ်ခါတစ်ရံ ခေါင်းတခြမ်းကိုက်ခြင်းနှင့် မှားယွင်းတတ်သည်။ လူအများစု တစ်ချိန်ချိန် ဖြစ်သော အဖြစ်များသော ခေါင်းကိုက်ခြင်းမျိုးဖြစ်သည်။

ဘာက ခေါင်းတခြမ်းကိုက်ခြင်းကို ဖြစ်စေသလဲ?

ဖြစ်ရသော အကြောင်းရင်းသည် မရှင်းလင်းသေးချေ။ လူသိများသော သီအိုရီ တစ်ခုမှာ ရှေ့ပြေးလက္ခဏာများသည် ဦးနှောက်အစိတ်အပိုင်းများရှိ သွေးကြောများ ညှစ်၍ ကျဉ်းလာသောဖြစ်သည်။

ထိုသို့ဖြစ်ပြီနောက် သွေးကြောများ ပြန်ကျယ်လာခြင်းသည် ခေါင်းကိုက်ရခြင်း၏ အကြောင်းရင်းဖြစ်သည်။ သို့သော် အဆိုပါ သီအိုရီသည် အဓိက အကြောင်း မဟုတ်သေးပေ။

ဦးနှောက်အတွင်းရှိ အချို့ ဓါတုပစ္စည်းများ၏ လုပ်ဆောင်မှုများလာပြီး ဦးနှောက် အစိတ်အပိုင်းတစ်ချို့မှ ရှုပ်ထွေးသော အချက်ပြမှုများ ထုတ်လွှတ်သောကြောင့် ခေါင်းကိုက်ခြင်း ဖြစ်စေသည် ဟု ယူဆကြသည်။

ဓါတု ပစ္စည်းများ ပြောင်းလဲမှုကို အတိအကျ မသိရသေးသလို ခေါင်းတခြမ်းကိုက်သောသူများတွင် မည်သည့်အတွက်ကြောင့် ထိုပြောင်းလဲမှုများ ဖြစ်ပေါ်လာသည်ကိုလည်း

မသိသေးချေ။ သို့သော် ခေါင်းကိုက်ခြင်းကိုဖြစ်စေရန်အတွက် ဦးနှောက်တွင်း ဓါတုပစ္စည်းများ၏ လုပ်ဆောင်မှုကို ပြောင်းစေခြင်းကို အစပြုသော အရာတစ်ခုခု ရှိမည် ဟု ယူဆကြသည်။

ခေါင်းတခြမ်းကိုက်ခြင်းကို မျိုးရိုးလိုက်သည် ဟု မသတ်မှတ်ထားချေ။ သို့သော် မိသားစုတစ်ခုအတွင်းရှိ မိသားစုဝင်များတွင် တစ်ခါတစ်ရံ ဖြစ်ပွားသည်။

ထို့ကြောင့် အချို့ မျိုးရိုးဗီဇ အကြောင်းများ ပါနိုင်သည်ဟု ယူဆနိုင်သည်။ ထို့ကြောင့် မိသားစုဆွေမျိုးများတွင် ခေါင်းတခြမ်းကိုက်ရောဂါ ရှိလျှင် ခေါင်းတခြမ်းကိုက်ရောဂါ ဖြစ်ရန် အခွင့်များသည်။

မည်သည့်အရာတွေက ခေါင်းတခြမ်းကိုက်ခြင်းကို အစပြုစေသလဲ?

ခေါင်းတခြမ်းကိုက်ခြင်းအများစုသည် အကြောင်းရင်းမရှိဘဲ ဖြစ်ပွားသည်။ သို့သော် တစ်ချို့လူများတွင် ခေါင်းကိုက်ခြင်းကို အစပြုစေသော အကြောင်းများးရှိသည်။

ဥပမာအားဖြင့် —

– စားသောက်မှု ပုံစံ – အစာကို လျင်မြန်စွာ စားခြင်း ၊ အစာစားချိ်န် မမှန်ခြင်း၊ ချောကလက် ၊ချီစ်၊ ၀ိုင်နီတို့ စားသောက်ခြင်း၊ ချဉ်သော အသီးများ၊ ဆိုးဆေးများ ပါသော အစာများ စားသောက်ခြင်း

– ပတ်ဝန်းကျင် ပုံစံ – ဆေးလိပ်ငွေ့ ရှုခြင်း၊ အလင်းပြန်မှု များသော တီဗွီ မျက်နှာပြင်ကို ကြည့်ခြင်း၊ ကျယ်လောင်သော အသံများ ၊ ဆိုးရွားသော အနံ့ဆိုးများ

– စိတ် နှင့် ပတ်သက်သော အခြေအနေများ – စိတ်ဓါတ်ကျခြင်း၊ စိတ်တိုခြင်း၊ စိတ်လှုပ်ရှားခြင်း၊ စိတ်ဖိစီးမှု များခြင်း။

အချို့သော လူများတွင် စိတ်ဖိစီးမှု များသော အချိန်တွင် ခေါင်းကိုက်ခြင်းကို ထိန်းနိုင်ပြီး စိတ်လျော့လိုက်သော အခါ ခေါင်းတခြမ်းကိုက်ခြင်း ဖြစ်လာသည်။

၎င်းကို ရုံးပ်ိတ်ရက် ခေါင်းတခြမ်းကိုက်ခြင်း (Weekend Migraine) ဟု ခေါ်သည်။

– ဆေးဝါးများ – မ ဟော်မုန်း ဖြည့်စွက်ဆေးများ၊ သန္ဓေတားဆေးများ ၊ အချို့ အိပ်ဆေးများ ၊

– အခြားအကြောင်းများ – ဓမ္မတာ လာခြင်း ၊ သွေးဆုံးခြင်း၊ အိပ်ချိန်ပြောင်းလဲခြင်း

ခေါင်းတခြမ်းကိုက်ခြင်း ကို ဒိုင်ယာရီ ရေးမှတ်ထားနိုင်လျှင် ပိုအကျိုးရှိနိုင်သည်။ ခေါင်းကိုက်သော အချိန်နှင့် မည်သည့်နေရာတွင် ဖြစ်ပွားသည် ၊

ခေါင်းကိုက်သောအခါ မည်သည့်အလုပ်လုပ်နေသည်၊ ခေါင်းကိုက်သော နေ့တွင် မည်သည့် အစားအစာ စားသောက်သည် ကို ရေးမှတ်ထားရမည်။

ထိုသို့ လုပ်ခြင်းဖြင့် ပုံစံတစ်ခု ပေါ်လာပြီး ခေါင်းကိုက်ခြင်းကို အစပြုစေနိုင်သော အရာများကို ရှောင်ရှားနိုင်ပေလိမ့်မည်။

ခေါင်တခြမ်းကိုက်ခြင်းကို ဘယ်လို ကုသနိုင်မလဲ?

အကိုက်အခဲပျောက်ဆေးများ——

ပါရာစီတမောလ် (သို့) အက်စပရင် ဆေးပြားသည် ခေါင်းတခြမ်းကိုက် ဝေဒနာ ခံစားရသောသူ အများစုတွင် သက်သာစေနိုင်သည်။

(မှတ်ချက် ။ ။ ၁၆ နှစ်အောက် ကလေးများတွင်မူ အက်စပရင်ဆေးဝါးကို မသောက်သုံးသင့်ပေ။) ရောဂါလက္ခဏာ စတင်ခံစားရပြီးလျှက် အမြန်ဆုံး ဆေးတစ်ခွက်ကို သောက်သုံးသင့်သည်။

အကိုက်အခဲပျောက်ဆေးများကို စောစောသောက်သုံးနိုင်ခဲ့လျှင် တစ်ခါတစ်ရံ ခေါင်းကိုက်ခြင်း၏ ပြင်းထန်မှု ကို လျော့ကျစေနိုင်စေသလို လုံးဝ ပျောက်ကင်းသွားစေနိုင်သည်။

လူအများစုတွင်မူ ခေါင်းကိုက်ခြင်း မဆိုးရွားခင်အထိ အကိုက်အခဲ ပျောက်ဆေးများ မသောက်သုံးပေ။ ထို့ကြောင့် ကိုက်ခဲပျောက်ဆေးများ၏ အာနိသင်ကို နောက်ကျမှ ရရှိပေလိမ့်မည်။

အကိုက်အခဲပျောက်ဆေးကို သောက်လျှင် ပမာဏ အပြည့် သောက်ပါ။ ဆိုလိုသည်မှာ လူကြီးများအတွက် အက်စပရင် ၉၀၀

မီလီဂရမ် (သို့) ပါရာစီတမောလ် ၁၀၀၀ မီလီဂရမ် ဖြစ်သည်။ လိုအပ်ပါက နောက်လေးနာရီ အကြာတွင် နောက်တစ်ခွက်ထပ်သောက်နိုင်သည်။

အရောင်ကျ အကိုက်အခဲပျောက်ဆေးများ —

ဤဆေးများသည် ပါရာစီတမောလ်ထက် ပိုကောင်းကောင်း အလုပ်လုပ်နိုင်သည်။ ၎င်းတို့တွင် အိုက်ဗျူပရိုဖန် (Ibuprofen)၊ ဒိုက်ကလို ဖန်းနက် (Diclofenac) ၊ နာပရိုဇန် (Naproxen) စသည်တို့ ပါဝင်သည်။

အော့အန်နေမကောင်းဖြစ်ခြင်းနှင့် ပတ်သက်၍ ခေါင်းတခြမ်းကိုက်သောအခါ နေထိုင်မကောင်းခံစားမှုဖြစ်စေပြီး ခန္ဓာကိုယ်မှ ဆေးဝါးများ စုပ်ယူမှု အားနည်းပေလိမ့်မည်။

အကိုက်အခဲပျောက်ဆေးများ သောက်သောအခါ နေထိုင်မကောင်းသောအခါ အစာအိမ်ထဲတွင်ပင်ရှိပြီး အာနိသင် မရှိနိုင်ပေ။ သောက်ထားသော ဆေးပြားများပင် ပြန်အန်ထုတ်နိုင်သည် ။

ထိုအရာကို အကူညီပေးနိုင်သော အကြံဥာဏ်များမှာ –

– ပျော်ဝင်လွယ်သော အကိုက်အခဲပျောက်ဆေးများကို အသုံးပြုပါ။

– အအန်ပျောက်ဆေးများကို အကိုက်အခဲပျောက်ဆေးများနှင့် တွဲသောက်ပါ။

– အအန်ပျောက်ဆေးတစ်မျိုးဖြစ်သော ဒွန်ပယ်ရီဒုန်း (Domperidone) ကို စအိုထည့်ဆေး အဖြစ် ရရှိနိုင်သလို ဒိုင်ကလို ဖန်းနက်

ကိုက်ခဲပျောက်ဆေးကိုလည်း စအိုထည့်ဆေးအဖြစ် ရနိုင်သည်။ ထိုဆေးများသည် ခေါင်းကိုက်၍ နေမကောင်းအော့အန်သောအချိန်တွင် အသုံးတည့်ပေသည်။

ပေါင်းစပ်ဆေးဝါးများ —-

အချို့ဆေးပြားများသည် အကိုက်အခဲပျောက်ဆေး နှင့် အော့အန်ပျောက်ဆေးများ ပေါင်းစပ်ပါဝင်သောကြောင့် သောက်သုံးရ အဆင်ပြေ ပေသည်။

သို့သော် ပါဝင်သော ဆေးပမာဏသည် တစ်ယောက်စီ၏ လိုအပ်ချက်နှင့် မကိုက်ညီနိုင်ချေ။ ထို့ကြောင့် အချို့လူများက

အကိုက်အခဲပျောက်ဆေး နှင့် အော့အန်ပျောက်ဆေးများကို မိမိလိုအပ်ချက် ပမာဏအတိုင်း ခွဲ၍ သောက်သုံးကြသည်။

အာရုံကြောနှင့် ဆိုင်သော ဆေးများ (Triptan Medicine)

အကိုက်အခဲပျောက်ဆေးများဖြင့် မသက်သာလျှင် ထွစ်ပတန် ဆေးဝါးများကို အသုံးပြုနိုင်ပေသည်။

၎င်းတို့တွင် အယ်လ်မို ထွစ်ပတန် (Almotriptan) ၊ အယ်လီ ထွစ်ပတန် (Eletriptan) စသည့် ဆေးဝါးများ ပါဝင်သည်။

၎င်းတို့သည် အကိုက်အခဲပျောက်ဆေးများ မဟုတ်ချေ။ ဖိုက် အိတ်ခ်ျတီ (5HT) ဟုခေါ်သော ဦးနှောက်အတွင်း ရှိ ဓါတ်တစ်မျိုးကို တားဆီးခြင်းအားဖြင့် အလုပ်လုပ်သည်။

ဤဓါတ်ပြောင်းလဲခြင်းက ခေါင်းတခြမ်းကိုက်ရောဂါကို ဖြစ်စေသည် ဟုယူဆသည်။ ထွစ်ပတန်ဆေးများကို သောက်ခြင်းဖြင့် ခေါင်းကိုက်ခြင်းကို သက်သာနိုင်သလို ပျောက်ကင်းစေခြင်းလည်း ဖြစ်နိုင်သည်။

အချို့ ထွစ်ပတန်ဆေးဝါးများသည် အချို့လူများတွင် အာနိသင်ရှိပြီး အချို့တွင်မူ အာနိသင်မရှိတတ်ပေ။ ထို့ကြောင့် ခေါင်းတခြမ်းကိုက်ရောဂါ

ရှိသော လူအများစုသည် မိမိ ခေါင်းကိုက်ခြင်းတွင် အာနိသင်ရှိသော ထွစ်ပတန်ဆေးဝါး အမျိုးအစားကို သိထားလေ့ရှိသည်။

ခေါင်းတခြမ်းကိုက်လျှင် ထွစ်ပတန်ဆေးဝါးများကို စောစီးစွာ မသောက်သင့်ပေ။ ခေါင်းကိုက်မှသာလျှင် ဤဆေးကို သောက်သုံးသင့်ပြီး ခေါင်းမကိုက်ခင် မသောက်သင့်ပေ။

ခေါင်းမကိုက်ခင် စောစီးစွာ သောက်သုံးလျှင် ဤဆေး၏ အာနိသင် လျော့နည်းနိုင်သည်။

ခေါင်းတခြမ်းကိုက်ခြင်းကို ကာကွယ်တားဆီးနိုင်ပါသလား?

ခေါင်းတခြမ်းကိုက်ခြင်း မကြာခဏဖြစ်လျှင် ကာကွယ်တားဆီးဆေးများ သောက်သုံးခြင်းသည်လည်း နည်းလမ်းတစ်ခုဖြစ်သည်။

၎င်းဆေးများကို သောက်သုံးခြင်းဖြင့် ခေါင်းကိုက်ခြင်း အားလုံးကို မတားဆီးနိုင်သော်လည်း ခေါင်းကိုက်သော အကြိမ်အရေအတွက်

နှင့် ပြင်းထန်မှုကို လျော့ကျစေနိုင်သည်။ ခေါင်းတခြမ်းကိုက်ခြင်းကို ကာကွယ်ရန် ဆေးဝါးများကို နေ့တိုင်း သောက်သုံးရန် လိုသည်။

၎င်းဆေးဝါးများသည် ကိုက်ခဲပျောက်ဆေးများ မဟုတ်ဘဲ ခေါင်းကိုက်နေစဉ် ကုသသော ဆေးဝါးများနှင့်လည်း ခြားနားသည်။ ဆရာဝန်မှ များစွာသော ဆေးများအနက်မှ သင့်တော်သော ဆေးတစ်ခုကို ညွှန်းပေးပေလိမ့်မည်။

ကလေးသူငယ်များ နှင့် ခေါင်းတခြမ်းကိုက်ခြင်း

ကလေးသူငယ်များတွင် ခေါင်းတခြမ်းကိုက်ခြင်းနှင့် ပတ်သက်၍ မှတ်သားထားရမည်မှာ အောက်ပါအတိုင်း ဖြစ်သည်။

– ခေါင်းတခြမ်းကိုက်ခြင်းသည် ကလေးငယ်များတွင် အဖြစ်များသည်။ ကျောင်းနေအရွယ် ကလေးငယ် ၁၀ ယောက်တွင် တစ်ယောက် ဖြစ်ပွားသည်။

– ရောဂါ ဝေဒနာများမှာ လူကြီးများတွင် ခံစားရသည်နှင့် တူညီသည်။ သို့သော် ပုံစံကျ လက္ခဏာများ မဟုတ်ချေ။ ဥပမာ – ခေါင်းကိုက်သော အချိန်တိုခြင်း ၊ ဦးခေါင်းနှစ်ဘက်စလုံးတွင် ကိုက်ခြင်း

– ဗိုက်နာခြင်းနှင့်ဆက်စပ်သော ခေါင်းတခြမ်းကိုက်ခြင်းသည် ကလေးငယ်များတွင် ဖြစ်ပွားသည်။

– ကလေးများတွင် အဖြစ်များသော အစပြုစေသော အရာများမှာ – အစာ စားချိန် ကျော်ခြင်း ၊ ရေဓါတ် ခန်းခြောက်ခြင်းတို့ ဖြစ်သည်။

အကယ်၍ ကလေးတစ်ယောက်သည် ခေါင်းကိုက်ရောဂါခံစားရလျှင် စားချိန်အိပ်ချိန် ပုံမှန် ဖြစ်ရန် စီစဉ် ရမည်ဖြစ်ပြီး ကလေးကို ရေများများသောက်ရန် အားပေးရမည်။

– လူကြီးများတွင် သုံးသော ဆေးများမှာ ကလေးများတွင် အသုံးပြုရန် လိုင်စင်မရှိချေ။

ပါရာစီတမော (သို့) အိုင်ဗျူပရိုဖန် တို့ကို ကလေးများတွင် အသုံးများပြီး သင့်တော်ပေသည်။ အက်စပရင်ကို မသုံးရပါ။

အော့အန်ခြင်းအတွက်မူ ဒွန်ပယ်ရီဒုန်းကို အသက်အရွယ်တိုင်းအတွက် အသုံးပြုနိုင်သည်။ ပရို ကလိုပရာဇင် (Prochlorperazine) ကိုမူ အသက် ဆယ့်နှစ်နှစ် အထက် ကလေးများတွင်သာ အသုံးပြုနိုင်သည်။

ထွစ်ပတန်ဆေးဝါးများကိုမူ ကလေးများတွင် အသုံးပြုရန် လိုင်စင်မရှိချေ။

ကိုယ်ဝန်ဆောင်ချိန် နှင့် ကလေးနို့တိုက်စဉ်ကာလ တွင် ခေါင်းကိုက်ခြင်းသတင်းကောင်း မှာ ခေါင်းတခြမ်းကိုက်ရောဂါ ရှိသော

အမျိုးသမီး ၃ ယောက်တွင် ၂ ယောက်မှာ ကိုယ်ဝန်ဆောင်ချိ်န် နှင့် မိခင်နို့တိုက်ချိန် ကာလတွင် သက်သာလေ့ရှိသည်။

သို့သော် အမျိုးသမီး အယောက် ၂၀ တွင် ၁ ယောက်မှာ ထိုအချိန်တွင် ရောဂါဝေဒနာ ပိုဆိုးလာတတ်သည်။

သတင်းဆိုးမှာ ခေါင်းတခြမ်းကိုက်ရောဂါကို ကုသရာတွင် သုံးသော ဆေးအများစုမှာ ကိုယ်ဝန်ဆောင်ချိန် နှင့် မိခင်နို့ တိုက်ကျွေးချိန်ကာလတွင် အသုံးမပြုနိုင်ပေ။

– ခေါင်းကိုက်ခြင်းဝေဒနာကို သက်သာရန်အတွက် ပါရာစီတမောလ်သည် ကိုယ်ဝန်ဆောင်ချိန်တွင် သောက်သုံးရန် အန္တရာယ်ကင်းသောကြောင့် အများဆုံး အသုံးပြုသည်။

အိုင်ဗျူပရိုဖန်ကို တစ်ခါတစ်ရံ အသုံးပြုသော်လည်း ကိုယ်ဝန်နောက်ဆုံး သုံးလပတ်တွင်မူ အသုံးမပြုပေ။

အက်စပရင်ဆေးဝါးကိုမူ ရှောင်ရှားသင့်သည်။

ထွစ်ပတန်ဆေးဝါးကိုမူ ကိုယ်ဝန်ဆောင်များအနေဖြင့် မသောက်သုံးသင့်ပေ။ ထွစ်ပတန် ဆေးဝါးကို မိခင်နို့ တိုက်ကျွေးချိန်ကာလ

အတွင်း သုံးနိုင်သော်လည်း ဆေးသောက်ပြီး ၁၂ နာရီမှ ၂၄နာရီ အတွင်း ထွက်သော မိခင်နို့်ရည်များကို ညှစ်ထုတ်ပစ်ရမည်။

– အော့အန်နေမကောင်းဖြစ်ခြင်းအတွက် ကိုယ်ဝန်ဆောင်ချိန်တွင် အသုံးပြုရန် မည်သည့်ဆေးမျှ လိုင်စင် မရှိချေ။ သို့သော် ဆရာဝန်က လိုအပ်ပါက အော့အန်ပျောက်ဆေးတစ်မျိုး တိုက်ပေလိမ့်မည်။

– ကိုယ်ဝန်ဆောင်ချိန် နှင့် မိခင်နို့တိုက်ကျွေးစဉ် ကာလအတွင်း ခေါင်းတခြမ်းကိုက်ခြင်းကို ကာကွယ်တားဆီးရန် ဆေးဝါးများ အသုံးပြုခြင်းကို အားမပေးချေ။

Credit – Myanmar Health Centre

(ဤ ကျန်းမာရေး ဗဟုသုတ များအား ပြန်လည်မျှ​ဝေခြင်းဖြင့်​ မိတ်​​ဆွေများအားကူညီနိုင်​ပြီး ပြန်​လည်​ကူးယူ ဖော်ပြပါက ကျင့်ဝတ်အရ မူရင်းရေးသားသူနှင့် Source ကိုပါ ထည့်သွင်းကူးယူဖော်ပြကြပါရန်)

Credit – Ko Aung

Via -Sai Min Thant

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.