အိမ်သာတတ်ရင် တံခါးဖွင့်ပြီးမှတက် တတ်တယ်ဆိုတဲ့ ထက်ထက်ထွန်း

စည်ပင် ရွေးကောက်ပွဲမှာ အမတ်လောင်းအဖြစ် ဝင်ရောက်ယှဉ်ပြိုင်ပြီး လူသိများလာတဲ့ အလှမယ် ထက်ထက်ထွန်းကတော့ လက်ရှိမှာ ပရိသတ်အခိုင်အမာ ရရှိထားတဲ့ မော်ဒယ်တယောက် ဖြစ်နေပါပြီ။ ထက်ထက်ထွန်းကတော့ ပြီးခဲ့တဲ့ လပိုင်းတုန်းက ရုပ်ရှင်ရိုက်ရင်း ဒူးဒဏ်ရာရရှိခဲ့ပါသေးတယ်။ ထက်ထက်ထွန်းက ဒူးဒဏ်ရာနဲ့ ပတ်သက်ပြီး ပြောကြားသွားသလို သူဘာတွေကို ကြောက်တတ်လည်းဆိုတာကို ပြောသွားခဲ့ပါတယ်။

 

 

ထက်ထက်ထွန်းကတော့ Trend နဲ့ အင်တာဗျူးမှာတော့ အက်ရှင်ကားတွေ ရိုက်ဖို့ စိတ်ဓါတ်ကျနေပြီလားဆိုတဲ့ အပေါ်မှာတော့ “မကျပါဘူး။ ဒူးခေါင်းနာမှာပဲ ကြောက်တော့တာ။ ဖြစ်ပြီးသားနေရာထက် မဖြစ်သေးတဲ့နေရာကို လာဖြစ်မှာကြောက်တာ။ ဆရာဝန်ကတော့ သတိသိပ်မပေးပါဘူး။ အိမ်ကတော့ နင်အက်ရှင်ကားတွေ မရိုက်ရတော့ဘူး။ နင်က လုပ်ချင်စိတ်တွေ အရမ်းများတယ်။ ကိုယ့်ကိုကိုယ်လည်း မိန်းကလေးဆိုတာ သိဦးပေါ့။ အဲ့လိုပြောတာတွေတော့ ရှိပါတယ်”

ကြောက်လို့ မရိုက်ဖြစ်တော့တာလားဆိုတဲ့ အပေါ်မှာတော့ “အဲ့လိုတော့မဟုတ်ပါဘူး။ ခုနကပြောသလိုပေါ့။ စိတ်ဓါတ်တော့ မကျပါဘူး။ ကြောက်လို့ မလုပ်တာထက် ကိုယ်မလုပ်သင့်တာလို့ ထင်တာပဲ မလုပ်တာ။ ကြောက်တယ်ဆိုတာက ထက်ထက်ထွန်း ဘဝမှာလေ သရဲ နဲ့ ပင့်ကူက လွဲလို့ ဘာမှကို မကြောက်ဘူး”

သရဲကို ဘယ်လောက်ထိ ကြောက်လဲဆိုတဲ့ အပေါ်မှာတော့ “ကြောက်တာပေါ့။ ထက်ထက်ထွန်းဆို အိမ်မှာရေချိုးရင်တောင် တံခါးပိတ်ချိုးတာမဟုတ်ဘူး။ အိမ်သာတက်ရင်လည်း ပိတ်တတ်တာမဟုတ်ဘူး။ အဲ့ဒါကိုယ့်အိမ်နဲ့အိမ်နော်။ သရဲကားကြည့်တဲ့အချိန်ဆို ပိုဆိုးတယ်။ အမြဲတမ်းသူများကို ခေါ်သွားရတယ်။ ကိုယ်ကအမြဲတမ်းအဖော်ဆောင် ထားရတယ်။

 

 

တခြားနိုင်ငံတွေမှာ မယ်သွားပြိုင်ရလည်း အခန်းဖော်ကို မှာထားရတယ်။ ငါတံခါးဖွင့်ချိုးမယ်နော်။ နင်မရှက်တတ်ရင်လာကြည့် ပြီးတော့ ရေချိူးနေရင်လည်း ရှိတဲ့သူတွေကို လှမ်းခေါ်တယ်။ ကိုယ်ရေချိုးနေရင်း တခြားကမ္ဘာကို ရောက်သွားမှာဆိုးလို့ အဲ့လိုတွေးမိတယ်။ အဲ့လိုမျိုးကို ကြောက်တာ။ လူက မကြောက်ဘူး။ ပြန်ချလို့ရတယ်။ သရဲကတော့ အရမ်းကြောက်တယ်” ဟု ပြောကြားသွား ခဲ့ပါတယ်။

လေးစားစွာဖြင့် ခရစ်ဒက် — nanmalgyi

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.