အိပ်ယာထဲကချက်ချင်းမထချင်တာဟာ ဥာဏ်ရည်မြင့်မားတဲ့လက္ခဏာတစ်ခုပါတဲ့

တစ်ခါတစ်လေ အိပ်ယာထဲက လုံးဝမထနိုင်တော့လို့ အလုပ်ကိုနေမကောင်းဘူးလို့ပြောပြီး တစ်နေကုန်ဖုန်းလေးသုံးပြီး အိပ်နေတတ်သူတွေ ရှိတယ်မဟုတ်လား။ မျက်လုံးလည်းဖွင့်မရ၊ ခြေတွေလက်တွေလည်း လှုပ်လို့မရနဲ့ အိပ်ယာရဲ့နွံထဲမှာ နစ်မြောကြသူလေးတွေအတွက် သတင်းကောင်းတစ်ခု ပါးချင်ပါတယ်။

ဗြိတိန် သုတေသီ Satoshi Kanazawa နဲ့ Kaja Perina တို့ရဲ့ လေ့လာချက်ကို Bright Side မှ ပြန်လည်ကိုးကား ဝေမျှပေးသွားပါမယ်နော်။

 

 

မနက်ကိုစောစောမထနိုင်ဘဲ စောစောထဖို့ဝန်လေးနေသူလေးတွေဟာ များသောအားဖြင့် နောက်ကျမှ အိပ်တတ်ကြတဲ့ ညဇီးကွက်လေးတွေပါ။

သူတို့လေးတွေဟာ ညဖက်မှာ တော်ရုံမအိပ်တတ်ဘဲ ဝါသနာပါရာတစ်ခုခု သို့မဟုတ် အပန်းဖြေစရာတစ်ခုခုနဲ့ ကြုံဆုံနေရတဲ့အတွက် သန်းခေါင်ပတ်ဝန်းကျင်လောက်မှ အိပ်လေ့ရှိကြပြီး မနက်ထတဲ့အခါ ၈ နာရီ၊ ၉ နာရီဆိုတာတောင် မနည်းအားယူပြီး အိပ်ယာထဲကနေ ထွက်နေရတတ်ပါတယ်။

တကယ်တော့ ဒီလိုလူမျိုးတွေဟာ ယနေ့ခေတ်နေထိုင်မှုပုံစံနဲ့ အကိုက်ညီဆုံးသော လူသားတွေ ဖြစ်တဲ့အပြင်ကိုမှ အိပ်ချိန်မှန်ရင် အိပ်ရမယ်ဆိုတဲ့ အချိန်ရဲ့ စေခိုင်းမှုအောက်ကနေ လုံးဝကြီး ကွဲထွက်နေတဲ့အတွက် မိမိကိုယ်ကိုယ် အားကိုးပြီး လွတ်လပ်မှုကို မြတ်နိုးသူတွေလို့လည်း လေ့လာချက်မှာ ဖော်ပြထားပါတယ်။ ဒီအပြင်ကိုမှ အပေါ်မှာ ပြောထားတဲ့အတိုင်း ကိုယ်စိတ်ဝင်စားရာတစ်ခုခုနဲ့ မအိပ်ဘဲအချိန်ဖြုန်းနေတဲ့အတွက် ဒီလိုလူမျိုးတွေဟာ ဘဝအတွက်ကောင်းကျိုးပေးတဲ့အရာတွေအပေါ် တပ်တပ်မက်မက်နဲ့ အာရုံစုစည်းကာဆောင်ရွက်လေ့ရှိပြီး အခက်အခဲတွေကိုလည်း လွယ်လင့်တကူဖြေရှင်းနိုင်စွမ်းတွေရှိတဲ့အတွက် ဥာဏ်ရည်မြင့်မားတဲ့ လက္ခဏာရပ်တွေကို ပိုင်ဆိုင်ထားသူလေးတွေပါတဲ့။

 

 

နောက်ထပ်လေ့လာချက်တစ်ခုကတော့ ဒီလိုဥာဥ့်ဇီးကွက်လေးတွေဟာ ပုံမှန်အစောကြီးအိပ်ပြီး အစောကြီးထတဲ့ လူတွေထက် ဘဝမှာပျော်ရွှင်မှုအနှစ်သာရတွေကို ပိုခံစားရလေ့ရှိသေးတယ်လို့လည်း Southampton တက္ကသိုလ်ရဲ့ သုတေသနစာစောင်မှာ ဖော်ပြထားပါသေးတယ်။ ပျော်ရွှင်မှုဆိုတဲ့နေရာမှာ အခြေခံလစာအပါအဝင် ဘဝမှာ သက်တောင့်သက်သာ နေထိုင်နေခြင်းနဲ့ ပေါင်းသင်းဆက်ဆံမှု ပိုကောင်းခြင်းတို့လည်း ပါဝင်လျက်ရှိပါတယ်။

ဒါပေမဲ့တစ်ခုရှိတာက အိပ်တိုင်းမကောင်းတာပါပဲ။ ၂၄ နာရီရဲ တစ်ဝက်တိတိဖြစ်တဲ့ ၁၂ နာရီပတ်ဝန်းကျင်လောက်အထိ အိပ်ယာထဲမှာ အချိန်ဖြုန်းတတ်သူတွေဟာ အရွယ်မတိုင်ခင် သေဆုံးနိုင်ချေလည်း ပိုများနေတာကိုတော့ သတိပြုရမှာပါ။ အကောင်းဆုံးကတော့ တစ်နေ့ကို ၈ နာရီပတ်ဝန်းကျင်သာ အိပ်တာ အဆင်အပြေဆုံးပါပဲ။

Credit: Penny

 

လေးစားစွာဖြင့် ခရစ်ဒက် — searchmyanmar

Source : Bright Side

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.