အသက် (၃၀) အရွယ်က တည်းက အိမ်ထောင်ပြုချင်ခဲ့တာ ဆိုတဲ့ အေးမြတ်သူ

Posted on

မမြတ်လေး ဆိုပြီး ပရိသတ်တွေ ချစ်စနိုးခေါ်ကြတဲ့ အေးမြတ်သူက အကယ်ဒမီဆုကို ပူပူနွေးနွေး ဆွတ်ခူးထားတာ ဖြစ်ပါတယ်။ အနုပညာမှာ အကယ်ဒမီ ရပေမဲ့ နှလုံးသားရေးရာမှာ ဘာဆုမှ မရသေးတဲ့ မမြတ်လေးက April Fool မှာ ပရိသတ်တွေကို မင်္ဂလာသတင်းနဲ့ စနောက်ခဲ့ပါသေးတယ်။ ရိုးသားတဲ့ ပြောဆိုဟန် ၊ အပြစ်ကင်းတဲ့ ဟန်ပန်တွေ ပေါင်းစပ်ထားသလို ကလေး ချစ်တတ်တဲ့ မမြတ်လေးက ကျိုက်ဝိုင်း မှ မသန်စွမ်းကလေးငယ်တွေနဲ့ သင်္ကြန်တူတူ နွှဲခဲ့ပါတယ်။

ပရိသတ်တွေ သိချင်နေတဲ့ မင်္ဂလာသတင်းနဲ့ ပတ်သက်လို့ အေးမြတ်သူက အင်တာဗျူး တစ်ခုမှာ ခုလို ဖြေကြားသွားပါတယ်။

“အဲ့ဒါက april fool ပါ။ ပရိသတ်ကို ချစ်စနိုးနဲ့ ဘယ်လောက်ချစ်လဲ အိမ်ထောင်ပြုစေချင်လား မပြုစေချင်ဘူးလား ဆိုတာကို သိချင်လို့ စမ်းသပ်လိုက်တာပါ။ တကယ်ကို တိတိကျကျ အိမ်ထောင်ပြုမယ်ဆိုရင် အားလုံးကို အသိပေးပြီးမှ စီစဉ်ပါ့မယ်။ ခမ်းနားချင်မှ ခမ်းနားလိမ့်မယ်။ ဒါပေမဲ့ အားလုံးကို အသိပေးပြီးမှ စုံစုံလင်လင် လုပ်ပါ့မယ်။ အဲ့ဒါ အကို မင်္ဂလာဆောင်တုန်းက အကို့ရဲ့ လက်မှတ်ထိုးထားတာကို ကြည့်ပြီး ကြိုရိုက်ထားတာ။ ပရိသတ်တွေက မမြတ်လေးကို အိမ်ထောင်မပြုစေချင်ကြသေးဘူး။ အများစုက ကြိုးစားပါဦး လို့ ပြောတယ်။ သူတို့ ချစ်လို့ မဝသေးဘူး ထင်တယ်။” ဆိုပြီး ပြောပြသွားပါတယ်။

အိမ်ထောင်ရေးမှာတော့ အကန့်အသတ် မထားတဲ့ အကြောင်း အေးမြတ်သူက ခုလို ပြောပြသွားပါတယ်။

“အသက် (၃၀) ကတည်းက အိမ်ထောင်ပြုချင်ခဲ့တာ။ မရခဲ့တာပေါ့နော်။ (၃၅) မှာလည်း ကြိုးစားတယ်။ ဒါပေမဲ ဖူးစာကံ မပါလို့ ကိုယ် အိမ်ထောင်မကျသေးဘူး ဆိုတော့လည်း (၄၀) ပေါ့။ အေးမြတ်သူကတော့ စဉ်းစားထားတယ်။ အိမ်ထောင်ပြုခြင်းမှာ အသက်အရွယ် အကန့်အသတ် မရှိဘူး။ အသက်ဆိုတာက ပြယုဂ်တစ်ခုပေါ့။ အရွယ်ဆိုတာက လူရဲ့ စိတ်ကို ပြတယ်လို့ ခံစားရတယ်။ အသက် ဆိုတာက အချိန်ပါပဲ။ အဓိကက ကိုယ့်စိတ်ပျော်ပြီး ကိုယ်နုနေမယ်ဆိုရင် အားလုံးက အဆင်ပြေပါတယ်။ အိမ်ထောင်ရေးမှာတော့ အေးမြတ်သူက အကန့်အသတ် မထားဘူး။” လို့ ဆိုပါတယ်။

မမြတ်လေးတစ်ယောက် အနုပညာမှာ ကံကောင်းသလို နှလုံးသားရေး ကံကောင်းပါစေလို့လည်း ဆုတောင်းပေးလိုက်ပါတယ်။

Can’t wait to say

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.