ယုန်လေးရဲ့ သတိအန္တရာယ်ရှိသည် ရုပ်ရှင်ဇာတ်ကား ရုံဆက်မပြနိုင်အောင် အတိုင်ခံထားရ

ယုန်လေးက လက်ရှိ သူကိုယ်တိုင်ရိုက်ကူးပုံဖော်ထားတဲ့ ‘’သတိအန္တရာယ်ရှိသည်’’ ရုပ်ရှင် ဇာတ်ကားကြီးနဲ့ပတ်သက်ပြီး ဆင်ဆာအဖွဲ့မှာ အတိုင်ခံထားရတယ်လို့ဆိုပါတယ်။ ရုံပေါ်မှာ ဆက်ပြခွင့်မရအောင် တိုင်ထားတာလို့လည်း ရင်ဖွင့်ခဲ့ပါသေးတယ်။

“သြော် လူတွေ လူတွေ။ သတိ အန္တရာယ်ရှိသည် ကို ဝိုင်းဝန်းရံကျလို့ ပျော်လို့တောင် မဝသေးဘူး။ မနေ့က ဆင်ဆာ ရုံးကလူကြီးခေါ်လို့ ခရီး ရောက်ရာက်ချင်းပြေးလိုက်ရတယ် ။ အကုန်လုံးလည်း ဖျက်ထားပါတယ်ပေါ့။

ဆင်ဆာလူကြီးတွေက ကျွန်တော်ဘက်မှာ ရှိပေးပါတယ်။ အပြင်က ကျွန်တော်တို့ရုပ်ရှင်ကို အရေးယူခိုင်းပြီး ဒုတိယအပတ်ဆက်ပြလို့မရအောင် ရည်ရွယ်ပြီးတိုင်တာပါ။ တော်တော်အကုသိုလ်များတဲ့ အလုပ်ဗျာ။

တိုင်ထားတဲ့ လူတွေရဲ့နာမည် ဖုန်းနံပတ်ပါ ပြီးရင် Video နဲ့ တင်ပေးလိုက်ပါမယ် ခင်ဗျာ။ ခဏလေးစောင့် သူတို့က အဖွဲ့ရှိတယ်လည်းပြောပါတယ်။ တကယ်စိတ်တွေလည်း လေပါတယ်”

ဆိုပြီးတော့ ဇွန်လ ၂၇ ရက်နေ့ မနက် ၉ နာရီခွဲကျော်က သူ့ရဲ့ ဖေ့စ်ဘွတ်စာမျက်နှာမှာ ရေးသားခဲ့တာ တွေ့ရပါတယ်။ သတိအန္တရာယ်ရှိသည် ရုပ်ရှင်ဇာတ်ကားကြီးကိုတော့

ဇွန်လ ၂၀ ရက်နေ့က ရန်ကုန်မြို့မှာရှိတဲ့ အဆင့်မြင့်ရုပ်ရှင်ရုံတွေမှာ ရုံတင်ပြသခဲ့တာဖြစ်ပါတယ်။ ဒီဇာတ်ကားထဲမှာတော့ သရုပ်ဆောင် မြင့်မြတ်၊ ယုန်လေး၊ တိုင်ရွန်၊ အောင်လေး၊ ဘိုချမ်း၊ Kညီ နဲ့ ခင်ဝင့်ဝါ တို့က အဓိက ပါဝင်သရုပ်ဆောင်ထားကြတာပါ။

ဒီဇာတ်ကားဟာ အက်ရှင်ဇာတ်ကားကိုမှ ကြိုက်ကြတဲ့ ပရိသတ်တွေအတွက် ဇာတ်ကားကောင်း တစ်ကားဖြစ်မှာပါ။ ယုန်လေးက လက်ရှိမှာ လူငယ်အကြိုက် အမိုက်စား အက်ရှင်ဇာတ်ကားတွေကို ကိုယ်တိုင် ဒါရိုက်တာအဖြစ် ရိုက်ကူးနေတာဖြစ်ပါတယ်။

လက်ရှိမှာလည်း သူကိုယ်တိုင်ရိုက်ကူးထားတဲ့ ‘’သတိ အန္တရာယ်ရှိသည်’’ရုပ်ရှင်ဇာတ်ကားကြီးက ရုံတင်ပြသနေတာပါ။ သူဟာ Original Gangster 1 ရုပ်ရှင်ဇာတ်ကားကြီးကို စတင်ရိုက်ကူးခဲ့တာက စပြီး ပရိသတ်တွေနဲ့ ထပ်တူကျခဲ့လို့ အောင်မြင်မှုနေရာ တစ်နေရာကို ရရှိလာခဲ့တာဖြစ်ပါတယ်။

ခရက်ဒစ်သီမွန်းအမ်အမ်

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.