ဘယ်တော့မှ မဖောက်ပြန်တဲ့ မိန်းကလေးတွေရဲ့ လက္ခဏာ (၄) ခု

Posted on

မိန်းကလေး တယောက်က သင့်ကို တကယ် ချစ်မိသွားပြီ ဆိုရင် သစ္စာ ဆိုတာ သင်မတောင်းလည်း သူ့ဖက်ကနေ ပေးပြီးသားပါ ။ သစ္စာရှိပြီး ဘယ်တော့မှ ဖောက်ပြန်မှာ မဟုတ်တဲ့ ချစ်သူကို သင်ပိုင်ဆိုင်ထားတာကြောင့် သင်အရမ်း ကံကောင်း ပါတယ်။ တကယ်လို့ သင့် ချစ်သူ ဟာ အခုဖော်ပြပေးတဲ့ အချက် တော်တော် များများနဲ့ ကိုက်ညီနေ ရင်တော့ သင့်အပေါ် အရမ်းချစ်ပြီး ဘယ်တော့မှ သစ္စာဖောက်မှာ မဟုတ်တော့ပါဘူး ။

 

 

၁။ ရည်းစား ရှိတာကို ယောက်ျားလေး တွေရှေ့မှာ ဖုံးကွယ်မထားဘူး

သူများတွေ၊ အထူးသဖြင့် ယောက်ျားလေး တွေက သူ့ကို ရည်းစား ရှိလားလို့ မေးတဲ့ အခါမျိုးမှာ ရှိတယ်လို့ ပြတ်ပြတ် သားသား ပြောပြရဲတဲ့ အပြင် ဘယ်သူ ဘယ်ဝါလို့ ပြောဖို့တောင် ဝန်မလေးတဲ့ သူပါ။ ဒီလို ပြောလိုက်ခြင်းဖြင့် သူ့ရဲ့ ဂုဏ်သိက္ခာ ကို ထိပါးစေတဲ့ အပြင် သူ့ကို တခြား ကောင်လေး တွေ မကြိုက်တော့မှာမှန်း သူကောင်းကောင်း သိပါတယ်။ ဒါကြောင့် သင့် ချစ်သူ က သင်နဲ့ သူရဲ့ပတ်သက်မှုကို အခြားယောက်ျားလေး တွေရှေ့မှာ ဘယ်တော့မှ မဖုံးကွယ်ဘူး ဆိုရင် သင့်အပေါ် အရမ်းသစ္စာရှိလို့ဆိုတာကို သဘောပေါက် လိုက်ပါ။

၂။ သင့်ကို လျှို့ဝှက် ထားတာမရှိဘူး

သင့် ချစ်သူ ဟာ သင့်ကို ဘာမှ လျှို့ဝှက် ထားမှာ မဟုတ်ပါဘူး။ သူ့ရဲ့ အားနည်းချက်၊ အားသာချက်တွေ၊ အတွင်းရေး ကိစ္စတွေကအစ သင့်ကိုတိုင်ပင်တယ်၊ ရင်ဖွင့်တယ်၊ သူနဲ့ ပတ်သက်ပြီး သင် မသိတာ မရှိသလောက်ကို လျှို့ဝှက်ချက် ကင်းသူ တစ်ယောက် ဖြစ်ပါတယ်။ သူ့ဖုန်း ကို အချိန်မရွေးယူကြည့်လည်း ပြဿနာ ဖြစ်စရာတစ်ကွက်မှ ရှိမနေတတ်တဲ့ သူမျိုးပါ။ ဒါဟာ သူတော်တော် သစ္စာ ရှိတယ်ဆိုတာ မြင်နိုင်တဲ့ အချက်ပါ။

၃။ သင့်ကို စိတ်ထဲအမြဲထားတယ်

သစ္စာ ရှိတဲ့ မိန်းကလေး တွေဆိုတာ ချစ်သူ အနားမှာ အမြဲရှိချင်မှ ရှိနိုင်မယ်။ ဒါပေမယ့် သူ့ရဲ့စိတ်ထဲမှာ ချစ်သူ ကို အမြဲထားတတ်ကြပါတယ်။ ချစ်သူ ရှေ့မှာပဲဖြစ်ဖြစ်၊ ချစ်သူ ကွယ်ရာမှာပဲဖြစ်ဖြစ် ချစ်သူ စိတ်ညစ်မယ့် အရာတွေကို မလုပ်ကြပါဘူး။ သူတို့ရဲ့စိတ်ထဲမှာ ချစ်သူ ကို အပြည့်အဝ နေရာပေးထားတာကြောင့် တခြားသူတွေ အတွက် နေရာ မရှိတော့ပါဘူး။

၎။ ဂရုစိုက်တယ်

သစ္စာ ရှိတဲ့ မိန်းကလေး တွေဟာ ချစ်သူ ကို အရမ်း ဂရုစိုက်တတ် ကြပါတယ်။ ချစ်သူ အတွက် စားစရာလေးတွေ လုပ်ပေးတာမျိုး၊ တိုလီမုတ်စလေးတွေ ဝယ်ပေးတာမျိုးတွေ ခဏခဏ လုပ်တတ်ကြပါတယ်။ ချစ်သူ နေမကောင်းတဲ့ အခါတွေ မှာလည်း အရမ်းကို ကြင်နာ ဂရုစိုက်တတ် ကြပါတယ်။ ချစ်သူကို စိတ်ပူပြီး အမြဲ တတွတ်တွတ်နဲ့ စကားတွေ မှာနေတတ်တဲ့ သူတွေလည်း ဖြစ်ပါတယ်။

လေးစားစွာဖြင့် ခရစ်ဒက် — aungparsay

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.