ဗိုလ်ချုပ်အောင်ဆန်း ရုပ်ရှင်ကို ယခုနှစ် စက်တင်ဘာလကုန်မှာ စတင် ရိုက်ကူးမည်

Posted on

ဗိုလ်ချုပ်အောင်ဆန်း ရုပ်ရှင်ကို စက်တင်ဘာလကုန်မှာ စတင် ရိုက်ကူးမည်

ဇာတ်ညွှန်းပိုင်းဆိုင်ရာ ကိစ္စရပ်တွေက ပြီးပြည့်စုံသလောက် ရှိနေပြီး အဝတ်အစားနဲ့ ပစ္စည်းစုဆောင်းမှုတွေလည်း စတင်နေပြီ ဖြစ်ပါတယ် ။ ဗိုလ်ချုပ်အောင်ဆန်း ရုပ်ရှင် ရိုက်ကူးရေးနဲ့ ပတ်သက်ပြီး သက်ဆိုင်ရာတာဝန် ရှိသူတွေအနေနဲ့ တွေ့ဆုံဆွေးနွေး ညှိနှိုင်းထားတဲ့ အနေအထားအရ ၂၀၁၉ ခုနှစ် စက်တင်ဘာလကုန်မှာ စတင် ရိုက်ကူးဖို့အတွက် ဆောင်ရွက်နေတယ်လို့ ဗိုလ်ချုပ်အောင်ဆန်း ရုပ်ရှင်ရိုက်ကူးရေး လုပ်ငန်းကော်မတီ ဒုတိယဥက္ကဌ သာသနာရေးနှင့်ယဉ်ကျေးမှု ဝန်ကြီးဌာန ဒုတိယဝန်ကြီး ဦးကြည်မင်းက ပြောပါတယ် ။

ဇူလိုင်လ (၁၈) ရက်နေ့က ရန်ကုန်မြို့ ကမ္ဘောဇရိပ်သာမှာ ကျင်းပပြုလုပ်တဲ့ ဗိုလ်ချုပ်အောင်ဆန်း ရုပ်ရှင်ရိုက်ကူးရေး လုပ်ငန်းကော်မတီ ဒသမအကြိမ် အစည်းအဝေးမှာ အဖွင့်အမှာစကား ပြောကြားရင်း ထည့်သွင်းပြော ကြားခဲ့တာပါ ။

“ တကယ်တော့ လုပ်ငန်းတစ်ခု ပြီးမြောက်ဖို့အတွက်မှာ ကျွန်တော်တို့အနေနဲ့ ဆောင်ရွက်ကြရတဲ့ အနေအထားမှာ စဉ်းစားဆုံးဖြတ် ဆောင်ရွက်ဆိုတဲ့ လုပ်ငန်းစဉ်အရ ကျွန်တော်တို့ဟာ နှစ်နဲ့ချီပြီး အကြိမ်ကြိမ် ဒေါင့်စေ့အောင် စဉ်းစားပြီး ဆောင်ရွက်နေကြတာ ဖြစ်ပါတယ် ။

အခုချိန်က ဆုံးဖြတ်ချက်နဲ့ ဆောင်ရွက်ခြင်း လုပ်ငန်းကို တပြိုင်နက်တည်း လှုပ်ရှားရမယ့်အချိန် ဖြစ်နေပါပြီ ။ ဒါကြောင့် ဗိုလ်ချုပ်အောင်ဆန်း ရုပ်ရှင်ရိုက်ကူးရေးကိုတော့ ညှိနှိုင်းထားတဲ့ အနေအထားအရ ၂၀၁၉ ခုနှစ် စက်တင်ဘာလကုန်မှာ စတင် ရိုက်ကူးဖို့အတွက်ကို သန္ဓိဌာန်ချမှတ် ဆောင်ရွက်လျှက်ရှိတယ် ။”လို့ ဒုတိယဝန်ကြီး ဦးကြည်မင်းက ပြောကြားခဲ့ပါတယ် ။

ဇာတ်ညွှန်းပိုင်းဆိုင်ရာ ကိစ္စရပ်တွေက ပြီးပြည့်စုံသလောက် ရှိနေပြီး ဇာတ်ညွှန်းကို အခြေပြုတဲ့ ဝတ်စားဆင်ယင်မှု ကိစ္စတွေမှာလည်း အသက် ဝင်လာသလို ပစ္စည်းစုဆောင်းမှုတွေကိုလည်း စတင်နေပြီလို့ ဦးကြည်မင်းက ပြောပါတယ် ။ သရုပ်ဆောင်ပိုင်းဆိုင်ရာ ပုဂ္ဂိုလ်များကိုလည်း အပြီးသတ်စိစစ် ရွေးချယ်သတ်မှတ်ဖို့ အချိန်တန်နေပြီလို့လည်း ဒုတိယဝန်ကြီးက ကော်မတီဝင်တွေကို ပြောကြားခဲ့ပါတယ် ။

Source; CELE YATKWAT

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.