တရုတ်မင်းသမီး Zhang Ziyi က Song တို့ စုံတွဲကွာရှင်းတာ မှန်ကန်ကြောင်းပြောဆို

ဒီနေ့မနက်ကမှ ကြားသိလိုက်ရတဲ့ Song စုံတွဲ ကွာရှင်းပြတ်စဲတဲ့ကိစ္စဟာဆိုရင် ပရိသတ်ကြီးနဲ့ တစ်ကမ္ဘာလုံးမှာရှိတဲ့ အနုပညာရှင်တွေဟာ အံ့သြသင့်ခဲ့ကြပါတယ်။ သူတို့နှစ်ယောက်ကွာရှင်းတယ် ပြတ်စဲသွားပြီဆိုတဲ့ သတင်းတွေဟာလဲ အရင်ကတည်းကထွက်ရှိနေခဲ့တာဖြစ်ပြီး ခုချိန်မှာတော့ အတည်တကယ် ကွာရှင်းလိုက်ကြ ပြီဖြစ်ပါတယ်။

စိတ်မကောင်းကြတဲ့သူတွေလဲ ရှိသလို ပျော်ရွှင်တဲ့သူတွေလဲရှိနေတာကို တွေ့ရှိရပါတယ်။ ခုဆိုရင်လဲ ကမ္ဘာကျော် တရုတ်မင်းသမီး Zhang Ziyi က ဆုံးဖြတ်ချက်က မှန်ကန်ကြောင်းပြောပြခဲ့ပါတယ်။

ကမ္ဘာကျော်မင်းသမီး Zhang က ” ကျွန်မ သူတို့ရဲ့ ရွှေးချယ်မှုကို လေးစားပါတယ် ပြီးတော့လဲ ခုလိုဆုံးဖြတ်ချက်ချတာမှန်ကန်တယ်လို့ ကျွန်မယုံကြည်ပါတယ် သူတို့နှစ်ယောက် ပျော်ရွှင်နေတဲ့ပုံကို ကျွန်မတွေ့မြင်ရမယ်ထင်ပါတယ် ” ဆိုပြီးရေးခဲ့ပါတယ်။

သူကအဲ့လိုပြောပေမဲ့ Song Joongki ရော Song Hyekyo နှစ်ယောက်လုံးရဲ့နာမည်ကိုထည့်သွင်းမရေးခဲ့ပါဘူး။ ဒါပေမဲ့လဲ ပရိသတ်ကြီးက သူတို့နှစ်ယောက်ကိုပဲပြောနေတယ်ဆိုတာ သိနေပါတယ်။ ၂၀၁၇ခုနှစ် အောက်တိုဘာလတုန်းက Song တို့ရဲ့မင်္ဂလာဆောင်ကိုလဲ မင်းသမီး Zhang Ziyi ကတက်ရောက်ခဲ့ဖူးပါတယ်။

Song တို့ဟာဆိုရင် “ Descendants of the Sun ” ဆိုတဲ့ကားထဲမှာ နှစ်ယောက်က စတင်တွေ့ရှိခဲ့ကာ အတူတူရိူက်ထားခဲ့တဲ့ ကားကောင်းလေးပဲဖြစ်ပါတယ်။ ပရိသတ်တွေလဲ အဲ့ကားကို ကြည့်ပြီးကြိုက်နှစ်သက်ကြကာ သူတို့အတွဲကိုလဲ သဘောကျနှစ်သက်ခဲ့ကြပါတယ်။

ဒါပေမဲ့လဲ ခုချိန်မှာ ကွာရှင်းလိုက်ပြီဆိုတော့ မယုံနိုင်လောက်အောင်ဖြစ်နေရပါတယ်။ သူတို့နှစ်ယောက်ကွာရှင်းရတဲ့ အကြောင်းကိုလဲ မင်းသမီး Song Hyekyo က သူမရဲ့ အေဂျင်စီကနေ တစ်ဆင့်ပြောပြခဲ့ပြီကာ Song Joongki ဘက်က အရင်ကွာရှင်းစာချုပ် ဖြည့်ခဲ့တာဖြစ်ပါတယ်။

Source : Soompi

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.